Kia kōrero ake tātou mō tētahi tuawahine, mō Lisa Carrington!
I whānau mai ia i Tauranga i te tau 1989, ā, ka tipu mai i tētahi tāone e pātata ana ki Whakatāne, e kīia nei ko Ōhope. He tātai whakapapa ōna ki Te Aitanga-a-Māhaki, ki Ngāti Porou, ki te hunga Pākehā anō hoki.
I te tau 2022, i whakawhiwhia a Lisa Carrington ki tētahi hōnore nui. I whakawhiwhia ia ki Te Tohu Kairangi i ngā Tohu Hōnore o te Tau Hou. I pēnei ai nā tana autaia ki ngā mahi hoe reti!
I mōhio rānei koe he tino, tino tere ia? I te tau 2014, i ngā Taumāhekeheke Retireti o Te Ao i tū ki Mohikau, Rūhia, i whakataetae ia i te tauwhāinga K1 Wāhine 200m te tawhiti, ka mutu, nōna te wā tere katoa, e 37.898 hēkona! Te tere hoki!
Heoi, ehara koinā noa iho. I ngā Taumāhekeheke o Te Ao i tū ki Hapani, i toa i a Lisa ngā mētara kōura e toru! Ko ia anake i pērā i te hākinakina kōpere reti. Ko ia te toa o te tauwhāinga K1 200m me ngā tauwhāinga K1 me te K2 500m. Nā reira i kīia ai ia ko te “Nanekoti i te poti”, nā te mea ko ia te tuawahine o ngā tuawahine!
Nō reira, he wahine reti autaia, he wahine reti horohoro a Lisa Carrington nō Aotearoa nei, ka mutu, kua nui ana mētara kōura. Ko ia a runga!
AUDIO FILE
ENGLISH TRANSLATION
Let’s talk about an amazing athlete named Lisa Carrington! She was born in 1989 in Tauranga and grew up in Ōhope, a town near Whakatāne. She has a special mix of backgrounds – Te Aitanga-a-Māhaki, Ngāti Porou, and European descent.
In 2022, Lisa Carrington was given a special honour. She became a Dame Companion of the New Zealand Order of Merit in the New Year Honours. It’s because she’s super good at canoe racing!
Did you know she’s really, really fast? Back in 2014, in Moscow, Russia, during the Canoe Sprint World Championships, she raced in a K1 Women 200m canoeing event and set a record with a super-fast time of 37.898 seconds! That’s like zooming down a river!
But that’s not all. In the 2020 Tokyo Olympics in Japan, Lisa won three gold medals! She’s the only one who did that in canoe sprinting. She won in the K1 200m race and also in the K1 and K2 500m races. That’s why some people call her the “GOAT in a boat” because she’s the greatest!
So, Lisa Carrington is a super-duper fast and amazing canoe racer from New Zealand who has won lots of gold medals. She’s a real champ!
