He Kāwanatanga, he Pirimia hou hoki tō Aotearoa. I te Mane, te 27 o Noema 2023, i whakamanatia a Christopher Luxon hei Pirimia i tētahi kawenga i te Whare o te Kāwanatanga i Te Whanganui-a-Tara. I tēnei kawenga, i kī taurangi a Luxon ka kawea e ia tēnei tūranga ki te taumata pai katoa e taea nei e ia.
I whānau mai a Christopher Luxon i te tau 1970, i Ōtautahi, ā, nō Aerana, nō Ingarangi, nō Kōtirana ōna tīpuna. I tipu mai ia i Ōtautahi i mua i te neke a tōna whānau ki Tāmakimakaurau. I hoki atu a Luxon ki Ōtautahi ki reira ako ai i ōna tau i te kura tuarua me te whare wānanga. Kua mahi a Luxon mā ētahi kamupene nui, pēnei i a Unilever me Air New Zealand, ā, i ako ia i te āhua o te whakahaere kamupene i mua i tana noho hei mema mō pāremata i te tau 2020.
Arā te nui o ngā mea e hiahia nei a Luxon ki te panoni i a ia e noho nei hei Pirimia, ko te whakamāmā i te utu o ngā rawa, ko te whakaheke i te maha o ngā mahi taihara, ko te panoni i ngā mea ka ākona e ngā tauira i te kura, me te whakapiki i te tokomaha o ngā pirihimana i Aotearoa.
He tīma tō Luxon e āwhina ana i a ia. Ko Winston Peters rāua ko David Seymour tētahi tokorua o te tīma rā, ā, ko rāua ka noho tahi hei Pirimia Tuarua. I ngā marama 18 tuatahi o tā Luxon noho hei Pirimia, ka noho ko Winston Peters hei Pirimia Tuarua, kātahi ka whakakapi a David Seymour i tērā tūranga rā mō ngā marama 18 o muri mai.
Kia mataara, e hoa mā! He nui ngā panonitanga kei mua i ō tātou aroaro.
AUDIO FILE
ENGLISH TRANSLATION
Aotearoa has a new Prime Minister and Government. On Monday 27th November 2023, Christopher Luxon was sworn in as the Prime Minister during a ceremony in Wellington at Government House. During this ceremony, Luxon had to promise to do the job to his best ability.
Christopher Luxon was born in 1970, in Christchurch and descends from Irish, English and Scottish roots. He spent his younger years living in Christchurch before his whānau moved to Auckland. Luxon returned to Christchurch to go to college and university. Luxon has worked for some big companies like Unilever and Air New Zealand where he learnt all about business before becoming a member of parliament in 2020.
Luxon has a big list of changes he wants to make as Prime Minister, like trying to make things affordable, cracking down on crime, changing what students learn at school, and increasing the amount of police officers in Aotearoa.
Luxon has a team of people helping him. That team includes Winston Peters and David Seymour, who will share the role of Deputy Prime Ministers. For the first 18 months of Luxon’s term of Prime Minister, Winston Peters will be deputy prime minister and then David Seymour will have a turn for 18 months. There are some big changes on the cards for Aotearoa.
