I mōhio rānei koe kāore te Ngaringari a te Motu i whai kupu Māori i tōna orokohanga?
I te tau 1991, i waiatatia e Kahurangi Hinewehi Mohi te ngaringari nei i roto i te reo Māori ki te kēmu Ōpango i Ingarangi. Ahakoa ngā kōrero whakatakē, nā tana tū rangatira i wātea ai te huarahi kia reorua te ngaringari a te motu ki ngā kaupapa mātuatua o te ao.
I te tau 2019, i Te Wiki o te Reo Māori, i whakarewaina e Kahurangi Hinewehi a Waiata Anthems hei whakanui i ngā tau e 20 kua pahure ake nō tana waiata tuatahi i te ngaringari a te motu i te reo Māori.
I mahi tahi a Kahurangi Hinewehi me ētahi kaiwaiata rongonui 11 o Aotearoa ki te waihanga i tētahi kōpae waiata o ā rātou waiata tino reka i te reo Māori. Ko ētahi o ngā kaiwaiata, ko Lorde rātou ko Drax Project, ko Six60, ko Benee, ko Hollie Smith, me ētahi atu. He tuatahitanga tēnei ki ētahi kaiwaiata, te waiata i roto i te reo Māori, heoi, i hīkina e rātou te manuka.
I te marama o Mahuru, i te tau 2022, i whakaputaina ngā waiata e 26 hei whakamānawa i ētahi kaupapa whakahirahira, pēnei i te huringa tau 50 o Te Matatini me te Petihana Reo Māori, me te huringa tau 40 o Te Kōhanga Reo me Te Karere.
E taea nei a Waiata Anthems te pāho i ngā paehiko matua, ka mutu, kua whakaritea e TVNZ tētahi kohinga hōtaka e aro ana ki te tukanga whakamāori.
Whakanuia te reo Māori!
AUDIO FILE
ENGLISH TRANSLATION
Did you know that the National Anthem wasn’t always in English and te reo Māori? In 1991, Dame Hinewehi Mohi sang it in te reo Māori at an All-Blacks match in England. Despite criticism, her action paved the way for our bilingual anthem that we hear at major international events today.
In 2019, during Te Wiki o te Reo Māori, Dame Hinewehi launched Waiata Anthems to celebrate 20 years since she sang the National Anthem in te reo Māori.
Dame Hinewehi worked with 11 popular New Zealand artists to create an album of their hit songs in te reo Māori. Artists who feature in Waiata Anthems include Lorde, Drax Project, Six60, Benee, Hollie Smith and more. Many of these artists had never sung in Māori before but were all up for the challenge.
In September 2022, 26 new waiata were released to celebrate several special events, such as the 50th anniversary of Te Matatini and the Māori Language Petition being presented to Parliament, and the 40th anniversary of Kōhanga Reo and Te Karere.
Waiata Anthems can be streamed on major platforms, and TVNZ offers a behind-the-scenes series on the translation process.
Whakanuia te reo Māori!
