Kia ora! Kia whakamōhio mātou i a koe ki tētahi kaimekemeke waingōhia, ko tōna ingoa ko Mea Motu, ā, i tipu mai ia i Pukepoto, i ngā tapa o Kaitaia. Āe, he kaimekemeke a Mea, heoi, he kaimekemeke whakaihuwaka hoki ia.
He pērā a Mea Motu i tētahi tipua o te ao nei i runga i te papa mekemeke. Ehara ia i tētahi kaimekemeke noa iho; engari kē ko ia te whakaihuwaka o te ao i te taumaha ’Super Bantamweight’. Heoi, ehara koirā noa iho! Kua toa i a ia ngā tohu mekemeke huhua noa atu i Aotearoa, ā, kāore he kaimekemeke wahine i tua atu i a ia. Ko ia pea te kuīni o te mekemeke i Aotearoa nei!
I te tau 2022, i tutuki i a Mea tētahi taumata tiketike. I riro i a ia tētahi mana kua puritia e tangata kē atu mō ētahi tau 14. I toa i a ia te whakataetae o te motu i Aotearoa nei i te taumaha ‘Featherweight’, ka mutu, koinei tana toanga tuatorutanga. Ehara tērā i tētahi mahi māmā, heoi, i māmā noa iho ki a Mea, i hinga i a ia tana hoariri i te wāhanga tuatahi o te whawhai.
E mōhiotia nei a Mea mō tana titikaha me tōna manahau. Kua whawhai ia i ngā wāhi maha o Aotearoa, ā, puta noa i te ao. I te tau 2022, i toa i a ia tētahi mekemeke hirahira, ka mutu, nā tēnei i riro ai i a ia te tātua WBC o ngā whenua o Āhia, i te taumaha ‘Super Bantamweight’.
Hei āpiti atu ki tēnei, i te tau 2023, ko ia te Māori tuatoru kua toa i tētahi whakataetae mekemeke o te ao. I whawhai ia ki tētahi hoariri kaha nei nō Kānata, ā, nā konei i toa ai i a ia te whakataetae IBO i te ao, i te taumaha ‘Super Bantamweight’.
He tuawahine a Mea Motu ki a tātou katoa. E whakaatu nei ia i ngā haumāuiui o āna whakahekenga werawera, o tōna titikaha, me tōna manawa piharau. Nō reira, ki te pēnei te nui o ō moemoeā i ō Mea, kua taea e koe ngā mea katoa te whakatutuki! Kia rite tonu te toro i ngā whetū!
AUDIO FILE
ENGLISH TRANSLATION
Kia ora! Let us tell you about a talented boxer named Mea Motu, she grew up in Pukepoto, on the outskirts of Kaitaia. Mea is not only a boxing superstar but also a record-breaking champion.
Mea Motu is like a real-life superhero in the boxing ring. She’s not just any boxer; she’s the current IBO World Super Bantamweight Champion. But that’s not all! Mea has won so many boxing titles in Aotearoa that no other female boxer has more than her. She’s like the queen of boxing in Aotearoa!
In 2022, Mea did something amazing. She broke a record that stood for 14 years! She won the New Zealand National Featherweight title and became a three-time champion. That’s not easy to do, but Mea made it look easy by knocking out her opponent in the very first round.
Mea is known for her determination and resilience. She has fought all over Aotearoa and overseas. In 2022, she won a major boxing match and won the WBC Asian Boxing Council Continental Super Bantamweight title.
And guess what? In 2023, she became the third Maori in history to win a World Boxing title. She fought against a tough opponent from Canada and won the IBO World Super Bantamweight title.
Mea Motu is a true inspiration for all of us. She shows us that with hard work, dedication, and a strong heart, we can achieve our dreams. So, if you ever dream big like Mea, remember that you can achieve anything you set your mind to! Keep reaching for the stars!
