Rekareka ki a tātou katoa ki te kai heihei wera, parāoa pani me te huamata waru, mai i te hokomaha, hei kai namunamuā whai muri i te tākaro hākinakina, ka mutu, mēnā e matekai ana koe! Ahakoa te aha, he waiwai, he wera, he māmā hoki ngā heihei ki te tīhaehae i ngā wā katoa.
I mōhio rānei koe kua kī taurangi ngā hokomaha New World katoa i Te Ika ā Māui, kia rite mai ngā heihei wera i waenga i te 10 karaka i te ata tae atu ki te 8 karaka i te pō i ia rā e tuwhera ai ngā toa?
Kia pono tonu rātou ki tā rātou i taurangi ai, kua kīia e rātou mēnā ka tae atu koe ki tētahi hokomaha New World ki te hoko heihei engari kua pau katoa, ka riro i a koe tētahi tīkiti mō te heihei kore utu! Ahakoa ka mate tonu koe ki te rapu i tētahi anō kai hei hapa māu, kātahi te whakaaro rangatira, ko tērā! Nā te pai o tēnei taurangi e whakaaro ana a Countdown ki te mahi pērā hoki!
Nō reira, kia haere anō koe ki New World, ā, kua kore he heihei i te pātaka kai, tonoa he tīkiti. Ākene pea ka whiwhi koe i tētahi heihei reka mō te kore utu.
AUDIO FILE
ENGLISH TRANSLATION
New Worlds Promise
Everyone loves getting a hot chicken, fresh buns, and some coleslaw from the supermarket deli for a quick and yummy meal! Especially after playing sport and you’re feeling hangry! The cooked chickens are always juicy, hot, and easy to pull apart.
Did you know that all North Island New World supermarkets have made a promise that there will always be hot chickens available to buy between 10am and 8pm every single day that they are open?
To make sure that they keep their promise to their customers, they have said that if you arrive to a New World supermarket and there are no hot chickens available, they will give you a voucher for a free hot chicken! Although, you’re going to have to find something else for a kai, that’s a pretty awesome promise from New World. It is such a good promise that Countdown are also thinking about making the same promise!
So, next time you’re at New World and the chicken shelves are empty, ask for a voucher. Who knows, you might get a yummy hot chicken for free.
