He torutoru noa iho ngā ringa whaiutu Māori e hahau paoro ana i ngā taumata ikeike, heoi, ko te tokoiti kua whai i tēnei ara, kua eke panuku.
Kua rongonui a Michael Campbell i tana whakataetae ki a Tiger Woods, i te U.S. Open i te tau 2005, ka mutu, i tana toanga ake. I parahia e tēnei toanga te ara mō ngā kaihahau paoro Māori.
I tipu ake a Michael Campbell i Hāwera, i Taranaki, ā, ko ōna tātai whakapapa kei roto i a Ngāti Ruanui me Ngā Rauru. Nā tana matua kēkē te kēmu hahau paoro i whakaatu ki a ia, ā, i parakitihi ia i te papa haupaoro o Pātea. Ka tīmata ia ki te tākaro i ngā whakataetae utukore ā-ao i te tau 1988, ā, nō te tau 1993 ka tū ia hei ringa whaiutu.
He iho pūmanawa a Michael ki ngā Māori e hiahia ana ki te hahau paoro, te whakamārama atu a Mauri-oho Stokes. Ko Stokes tētahi atu kaihahau paoro Māori i whakamātau i ētahi atu hākinakina i a ia e tupu haere ana i mua i tana rongo i te ihiihi o te hahau paoro. E ai ki a ia, he nui te utu o te hahau paoro, ā, koia tētahi āhuatanga e aukati nei i tā te Māori whai wāhi atu ki tēnei tākaro. Ahakoa tēnei, arā ētahi karahipi hei tautoko i te taha pūtea.
Kua tākaro a Stokes i ngā whakataetae hahau paoro puta noa i te ao, ā, i ēnei rā e whakaako ana ia i te hahau paoro. Ko tāna e tūmanako nei, ko te whakatenatena i ngā rangatahi Māori ki te whai whakaaro ki te tākaro i te hahau paoro.
Karawhuia, e hoa mā!
AUDIO
ENGLISH TRANSLATION
Paving the Way for Māori Golfers
There are few Māori in professional golf playing at a high level, however those who have, have excelled.
Michael Campbell is famous for having competed against Tiger Woods in the 2005 U.S Open, and winning, helping pave the way for Māori in golf.
Campbell grew up in Hāwera, Taranaki and is of Ngāti Ruanui and Ngā Rauru descent. He was first introduced to golf by his uncle and would practice at the Pātea golf course. He started playing in amateur international competitions in 1988, before turning professional in 1993.
Michael has been an inspiration for Māori wanting to get into golf, as Mauri-oho Stokes explains. Stokes is another Māori golfer who tried many sports growing up before ultimately finding his passion for golf. He explains how golf is an expensive sport and how this could be a barrier for Māori taking golf up, however there are opportunities such as scholarships that can remove those barriers.
Golf has taken Stokes all over the world competing, and now through coaching, he hopes to inspire more young Māori to consider it as well.
Karawhuia, e hoa mā!
