He tīma wahine te kapa Mamaku e whakakanohi ana i a tātou o Aotearoa i roto i te kēmu whutupōro wahine, ka mutu, kua kaha tā rātou whakahē i te waiaro he kēmu mā ngā tāne anake te kēmu whutupōro.
Kua roa te kapa Mamaku e noho ana i te tihi o tēnei kēmu, ā, e ono ō rātou toanga i te Ipu o te Ao. I toa whakaihuwaka rātou i ngā tau 1998, 2002, 2006, 2010, 2017, me tā rātou toa nō nāia tata nei i te Ipu o te Ao 2021 i tārewatia ki te tau 2022.
Ahakoa i tākarotia e ngā mea wāhine te kēmu whutupōro i ngā tau 1900, i kīia tonutia te kēmu nei he hākinakina nā te tāne, ā, kōruru ana ngā rae o te marea i te urutanga atu o ngā wāhine ki te kēmu nei. He mea whakahaere te kēmu tuatahi a ngā wāhine i mua i tētahi minenga hei kēmu whakangahau i te hunga i tae atu ki te mātakitaki i ngā mea tāne.
Ahakoa kua ū tonu te kapa Mamaku ki tō rātou tūranga tuatahi, tūranga tuarua rānei i te ao, me uaua ka whakawhiwhia rātou ki te pūtea tautoko e taea ai tā rātou noho hei kapa whaiutu, pērā i te kapa Ōpango.
Nā te kaha o tā ngā wāhine whawhai kia noho te kēmu whutupōro hei hākinakina mā te wahine kua ara mai tēnei tīma tuawahine e kīia nei ko te kapa Mamaku!
Ka mau te wehi!
AUDIO FILE
ENGLISH TRANSLATION
Black Ferns – Mana Wahine of Rugby in New Zealand!
The Black Ferns, a team of wāhine who represent us of Aotearoa in women’s rugby, have continued to push against the status quo that portrays rugby as a men’s sport.
The Black Ferns have long dominated international women’s rugby, being six-time World Cup Champions, earning their titles in 1998, 2002, 2006, 2010, 2017 and most recently winning the delayed 2021 World Cup held in 2022.
Although women in Aotearoa played rugby as early as the 1900s, rugby was traditionally considered a men’s sport and it was common opinion that women’s participation was frowned upon. The first women’s game with an audience was played as entertainment during the half-time break of a men’s game.
Although the Black Ferns have maintained their world ranking of number 1 or number 2, they have struggled to gain the funding required to turn fully professional like the All Blacks.
Nā te kaha o tā ngā wāhine whawhai kia noho te kēmu whutupōro hei hākinakina mā te wahine kua ara mai tēnei tīma tuawahine e kīia nei ko te kapa Mamaku!
Ka mau te wehi!
